Խնդրում եմ դադարեցնել այդ մշակույթը՝ էստեղ միկրոֆոն անջատել, լավ տղա խաղալ, ես քաղաքապետ եմ, ինձ կարելի է խոսել, քեզ չի կարելի խոսել: Այս մասին, այսօր՝ հունիասի 17-ին, Երեւանի ավագանիում իր ելույթում նշեց «Լույս» խմբակցության անդամ Թեհմինա Վարդանյանը:
Նա դիմեց քաղաքապետ Հայկ Մարությանին՝ ասելով. «Եթե դուք ինձ չապացուցեիք, թե ես որ կետում եմ փորձել ձեր գռեհիկ արտահայտությամբ դոշ տվել որեւէ կազմակերպության համար, ուրեմն հրապարակային ներողություն կխնդրեք: Եթե ես խոսում եմ աղբահանության խնդրից, դա նշանակում է դոշ տա՞լ: Դուք իմ բերանից «Սանիթեք» բառը լսե՞լ եք: Այսինքն եթե ես ասում եմ՝ աղբամանները տրաքացնում են, բենզինը լցնում վառում են, ինձ համար ընդհանրապես միեւնույն է, թե որ կազմակերպությունն է: Դուք ձեզ իրավունք եք վերապահում ինձ ասել՝ դոշ տա՞լ»,-ասաց Վարդանյանը:
Ի պատասխան Հայկ Մարությանը հիշեց Ստալինի մասին հայտնի պատմությունը, որտեղ ասվում է. «Իսկ դու ո՞մ մասին մտածեցիր». «Ես ձեր անունը չեմ տվել»: