Համաձայն առաջարկված օրինագծի՝ Հայաստանի արտաքին գործերի նախարարությունում աշխատող դիվանագետներին պետք է տրամադրվի ոչ միայն վարչապետի աշխատակազմի շրջանակում արտասահմանյան գործուղումների մեկնելու հնարավորություն, այլեւ խորհրդարանականների եւ հանրապետության նախագահի արտասահմանյան ուղեւորությունների դեպքում։ Այս մասին Ազգային ժողովի նիստում, «Դիվանագիտական ծառայության մասին» օրենքում փոփոխություններ եւ լրացումներ կատարելու մասին օրինագծի քննարկման ժամանակ, հունիսի 18-ին ասաց Հայաստանի փոխարտգործնախարար Գրիգոր Հովհաննիսյանը։
Նրա խոսքով՝ համաձայն գործող օրենսդրության, այդ իրավունքը գործում է միայն հանրապետության վարչապետի աշխատակազմի եւ վարչապետի գործուղումների դեպքում։ Դա, ինչպես նշեց փոխնախարարը, թույլ կտա շատ դիվանագետների, որոնց ուղարկում են տարբեր գործուղումների ԱԳՆ անունից, պահպանել ստաժն ու դիվանագետի կարգավիճակը։