150 տարի անց առասպելական Տրոյայի բացահայտումից հետո, որը հայտնաբերվել էր ժամանակակից Թուրքիայի տարածքում հնագետ Հենրիխ Շլիմանի կողմից, Բրիտանական թանգարանում վերջապես այդ քաղաքի գոյության մասին վկայող անգին արտեֆակտներ են հայտնվել, հաղորդում է Daily Mail-ը:
Այդ ժամանակ Բրիտանական թանգարանը բավականաչափ տեղ եւ միջոցներ չուներ Տրոյայի գանձերի ձեռքբերման համար եւ անգամ հրաժարվել էր դրանք վարկով գնել:
Սակայն այժմ Տրոյայի գանձերը, այդ թվում քարե արձանները եւ բրոնզե գործիքները հայտնվել են Լոնդոնի թանգարանի տնօրինության տակ:
Թանգարանի փորձագետները նշել են, որ Շլիմանի պատմական բացահայտումից 7 տարի առաջ այդ տարածքում աշխատում էր բրիտանացի հնագետ Ֆրենկ Կալվերտը, որը հայտարարել էր, որ ժամանակակից Թուրքիայի հենց այդ տարածքում է գտնվում հանրահայտ Տրոյան: Սակայն Կալվերտը չէր շարունակել իր որոնումները, ավելի ուշ դրանով զբաղվել էր Շլիմանը: