Պրիմորեի «Ընձառյուծի երկիր» ազգային արգելոցում ֆոտոծուղակը տպավորություն է գործել ամուրյան վագրի վրա, որին հետաքրքրել է խցիկը: Լուսանկարը հրապարակվել է հաստատության «Վկոնտակտեի» խմբում, հայտնում է Life-ը: 

Նշվում է, որ գիշատիչը նայել է նաեւ խցիկի օբյեկտիվին եւ պատահաբար «սելֆի արել»:

Արգելոցի մամուլի ծառայությունից հայտնել են, որ հաջողվել է լուսանկար կատարել, քանի որ արգելոցի աշխատակիցները կատվազգիներին հետեւելու համար ֆոտոծուղակները զույգով են դնում: