«Ակտիվ քաղաքացի» պլատֆորմն արդեն պատրաստ է եւ հուլիսին Երեւանի բնակիչներն արդեն կարողանալու են ներկայացնել իրենց նախագծերը: Այս մասին, այսօր՝ հունիսի 24-ին, Երեւանի ավագանու նիստում հաայտնեց քաղաքապետ։ Հայկ Մարությանը:
Նրա խոսքով, այդ նախագծերը պետք է գնահատվեն երեւանցիների կողմից եւ ընտրված նախագծերը պետք է կատարի քաղաքապետարանը: «Հուլիսին մեկնարկն է: Այդ պլատֆորմը մեզ կծառայի: Բոլորը չէ, բայց շատ հարցեր կան, որ կարող ենք օնլայն քվեարկությամբ պատասխան ստանալ, թե քաղաքացիներն ինչ են մտածում այս կամ հարցի վերաբերյալ: Այսինքն մեր նախընտրական ծրագրի ուղիղ ժողովրդավարություն կետը սկսում ենք իրականացնել նաեւ այս կերպ»,-ընդգծեց Հայկ Մարությանը: