Հունիսի 22-ին, ժամը 21.05-ին, ոստիկանություն է զանգահարել մի հյուրանոցի տնօրեն եւ հայտնել, որ «Զվարթնոց» օդանավակայանում «Օպել» մակնիշի տաքսու վարորդը Ֆիլիպինցի երկու զբոսաշրջիկից խաբեությամբ վերցրել է 30 հազար դրամ:

Ոստիկանությունից NEWS.am-ին հայտնում են, որ իրացնելով ստացված օպերատիվ տվյալները, ոստիկանները պարզել են, որ նշված խարդախությունը կատարել են երեւանցի 40-ամյա եւ Արմավիրի մարզի բնակիչ, 29-ամյա տղամարդիկ: Բացատրական աշխատանքի շնորհիվ նրանք ներկայացել են բաժին եւ տվել խոստովանական բացատրություն: Գումարը վերցվել է:

Նախապատրաստվում են նյութեր: