Իրանն ԱՄՆ-ի դեմ հայց կներկայացնի՝ կապված այն հաղորդագրությունների հետ, որ Վաշինգտոնը կիբերհարձակում է սկսել Թեհրանի դեմ: Այս մասին, Fars-ի հաղորդմամբ, հայտարարել է Իրանի ԱԳՆ պաշտոնական ներկայացուցիչ Աբբաս Մուսավին:
Նրա խոսքով՝ ինքը մինչեւ վերջ տեղեկացված չէ ենթադրյալ հարձակման մասին: Նա հավելել է, որ եթե այդ հաղորդագրությունները ճիշտ լինեն, ապա Իրանը կարող է դրանք որպես ապացույց օգտագործել եւ հայց ներկայացնել ԱՄՆ-ի դեմ:
Ավելի վաղ Իրանի տեղեկատվական եւ հաղորդակցման տեխնոլոգիաների նախարար Մուհամմադ Ջավադ Ազարի Ջահրոմին հայտնել է, որ ԱՄՆ-ը ձախողել է իր վերջին կիբերհարձակումներում:
«Նրանք պետք է շատ ջանքեր գործադրեն, որպեսզի հաջողության հասնեն»,- ասել է նա:
Ամերիկյան ԶԼՄ-ներն ավելի վաղ հայտնել են, որ ԱՄՆ-ը թիրախավոր է համակարգչային համակարգերը, որոնք վերահսկում են իրանական հրթիռային եւ հրթիռային արձակման սարքերը: