Կուրյոզային դեպք է տեղի ունեցել Թուրքիայի օդանավակայանում չվերթի գրանցման ժամանակ: Հրապարակված տեսանյութից երեւում է՝ ինչպես է կինը որոշում շրջանցել գրանցումն ու դեպի ինքնաթիռ հասնել ուղեբեռի ժապավենային փոխակրիչի միջոցով:
Սակայն կինը չի կարողացել ոտքի վրա կանգնել եւ ընկել է: Ավիաընկերության աշխատակիցները միանգամից չեն հասկացել, թե ինչ է նա փորձում անել: Մի քանի վայրկյան անց աշխատակիցներից մեկը հասցրել է անջատել ուղեբեռի ժապավենային փոխակրիչը:
Թուրքական ԶԼՄ-ները նշում են, որ ուղեւորի առաջին թռիչքն էր, նա մտածել է, որ ուղեւորները ուղեբեռների հետ միասին են ինքնաթիռում հայտնվում:
Դեպքի ժամանակ կինը չի տուժել, այժմ իրեն լավ է զգում: