«Իմ քայլը» խորհրդարանական խմբակցությունը դիտարկում է մի քանի թեկնածություն Բարձրագույն դատական խորհրդի անդամի թափուր տեղի համար։ Այս մասին Հայաստանի Ազգային ժողովում հուլիսի 12-ին կառավարող «Իմ քայլը» դաշինքի պատգամավորների հետ մամուլի ասուլիսում ասել է «Իմ քայլը» դաշինքի խորհրդարանական խմբակցության նախագահ Լիլիթ Մակունցը։ Միեւնույն ժամանակ, նա նշել է, որ անունները կտրվեն հետո։ «Մենք նախատեսել էինք 10-օրյա ժամկետի ավարտից հետո ներկայացնել թեկնածու Բարձրագույն դատական խորհրդի անդամի պաշտոնի համար այն նույն սկզբունքներով, ինչպես արել ենք մինչ այդ։ Այսինքն՝ մենք դիտարկել ենք այդ թեկնածությունները, իսկ հետո արդեն առաջադրել ենք։ Եթե չստացվի տեղավորվել 40 օրում, ապա մենք կջանանք լուծել հարցը հաջորդ 10 աշխատանքային օրերի ընթացքում»,- ասաց նա։