Մոսկվայի բնակչուհին հայտնել է Լիպեցկի կայարանի «ականապատման» մասին, որպեսզի հայտնվի բանտում, հաղորդում է «Lenta»-ն՝ հղում անելով Baza-ին:

Կինը մի քանի ամիս առաջ էր ազատ արձակվել գաղութից: Նշվում է, որ 49-ամյա կինն իրեն «հարմարավետ» չէր զգում ազատության մեջ: Եվ քանի որ ընտանիք, ընկերներ չուներ, որոշել է վերադառնալ «տուն»:

Նախ կինը ուղիղ խնդրանքով դիմել է իրավապահներին, սակայն նրանք առաջարկը լուրջ չեն ընդունել: Դրանից հետո Մոսկվայի բնակչուհին կեղծ ահազանգ է կատարել ոստիկանություն, որից հետո նրան ձերբակալել են: