Գերմանիայի պաշտպանության նախարար Ուրսուլա ֆոն դեր Լյայենը հայտնել է հրաժարական տալու մտադրության մասին: Նա իր թեկնածությունը կառաջադրի Եվրահանձնաժողովի ղեկավարի պաշտոնում, հաղորդում է DW-ը:
Նրա թեկնածությունը պետք է հաստատի Եվրախորհրդարանը:
Ֆոն դեր Լյայենի խոսքով՝ ինքը մտադիր է հրաժարվել պաշտոնից հուլիսի 17-ին՝ անկախ նրանից, թե իր թեկնածությունը Եվրահանձնաժողովի ղեկավարի պաշտոնում կհաստատվի, թե՝ ոչ:
«Ես ցանկանում ստանալ Եվրախորհրդարանի վստահությունը: Անկախ քվեարկության արդյունքներից՝ մտադիր եմ լքել պաշտպանության նախարարի պաշտոնը: Բունդեսվերի հետ միասին անցկացրած տարիների համար երախտապարտ եմ»,- գրել է նա Twitter-ում:
Նրա թեկնածության հարցով քվեարկությունը տեղի կունենա Բրյուսելում հուլիսի 16-ին: Հաղթանակի համար Ֆոն դեր Լյայենը պետք է ստանա 747 պատգամավոներից առնվազն 374-ի աջակցությունը: