Պենտագոնի ղեկավարի թեկնածու Մարկ Էսպերը ռուսական Ս-400 զենիթահրթիռային համակարգեր գնելու Թուրքիայի որոշումը «հիասթափեցնող» է անվանել, հաղորդում է Reuters-ը:
Նրա խոսքով՝ Թուրքիան ՆԱՏՕ-ի վաղեմի դաշնակիցն է, սակայն այդ որոշումը սխալ էր, եւ դա հիասթափեցնում է:
Էսպերը կրկնել է, որ Թուրքիան չի կարող միեւնույն ժամանակ գնել Ս-400-երն ու ամերիկյան F-35 կործանիչները: «Ես իմ թուրք գործընկերոջը հայտնել եմ, որ իրենք կարող են գնել կամ Ս-400-երը, կամ F-35-ները, սակայն երկուսը միասին չեն կարող գնել: Ս-400-երի գնումն էապես խոչընդոտում է ամերիկյան կործանիչների հնարավորություններին ու հետագայում մեր գերակայությունը երկնքում պահելու ունակությունը»,- ասել է նա: