Իսպանիական Tecnalia ընկերությունն անօդաչու աէրոտաքսիի նախատիպ է ներկայացրել, հաղորդում է ՏԱՍՍ-ը:
Աէրոտաքսին դեռեւս նախատեսված է մեկ մարդ կամ բեռ տեղափոխելու համար, կշռում է 150 կգ:
Ենթադրվում է, որ աէրոտաքսիի արագությունը կկազմի ժամում 90 կմ, իսկ թռիչքի բարձրությունը՝ 100-300 մ՝ կախված տեղի օրենսդրությունից:
Ընկերությունում նշել են, որ խոսքը նախատիպի մասին է, այն կարող է իրականություն դառնալ 5 տարվա ընթացքում:
Աէրոտաքսիի խցիկը 1,8-2 մետր է, ունի դուռ-պատուհան: Ակնկալվում է, որ այն կկարողանա թռչել եւ վայրէջք կատարել սահմանափակ տարածքում, օրինակ՝ ավտոկայանատեղիում: Բացի այդ, մեքենան կկարողանա թռչել անբարենպաստ եղանակային պայմանների դեպքում:
Որոշ տեղեկությունների համաձայն՝ 2035թ. Համաշխարհային շուկայում դրա գինը կհասնի 32 մլրդ եվրոյի: