ՀՀ վարչապետ Նիկոլ Փաշինյանին այսօր` հուլիսի 20-ին, Շիրակի մարզում տեղի ունեցած բիզնես ֆորումին հայկական արտադրության կոշիկ եւ տաբատ նվիրեցին: Փաշինյանն ասաց, որ իր հագուկապը բացի փողկապից, բացառապես հայկական արտադրության է:
Արտադրողների տաղավարներով շրջելիս Փաշինյանը արտադրողներին հիշեցրեց, որ 24 միլիոն շրջանառությունը չգերազանցելու դեպքում հունվարի 1-ից բիզնեսն այլևս հարկ չի վճարվելու:
Հայկական արտադրության կոշիկի տաղավարներից մեկում Փաշինյանը հետաքրքրվեց, թե ինչ արժե կոնկրետ կոշիկը: Գինն իմանալուց հետո Փաշինյանն ասաց. «Լավ գին է Գյումրիի ու ոչ միայն Գյումրիի համար»:
Մեկ այլ տաղավարում էլ Փաշինյանին հայկական արտադրության կոշիկ նվիրեցին: Վարչապետն ասաց, որ ընդունում է միայն այն պայմանով, որ գովազդելու է հայկական արտադրանքը եւ կատակեց. «Կարելի է աջն այլ կոշիկ նվիրել, ձախը՝ այլ, որպեսզի երկու կոշիկ գովազդվի»: