Չինաստանում փրկել են տղամարդու, որը խանդել է կնոջը մեկ տարեկան որդու նկատմամբ եւ փորձել գրավել նրա ուշադրությունը, հաղորդում է Daily Mail-ը:
Դեպքը տեղի է ունեցել հուլիսի 13-ին առափնյա Վենլին քաղաքում:
Կինը չինացուն մեղադրել է նրանում, որ նա անուշադիր է նայել իրենց որդուն, երբ նա տանը չի եղել:
Տղամարդը զայրացել է եւ ի հեճուկս կնոջ դուրս նետվել պատուհանից, սակայն վայրէջք կատարել երրորդ հարկի պատգշամբում եւ ողջ մնացել:
Դրանից հետո նա զանգահարել է իր սիրեցյալին եւ զգուշացրել, որ գնում է խեղդվելու մոտակա ջրամբարում:
Վախեցած կինն անհապաղ դիմել է ոստիկանություն: Տղամարդուն գտել են ծանծաղուտում առանց գիտակցության:
Նրան տեղափոխել են հիվանդանոց եւ շտապ օգնություն ցույց տվել: Ներկա պահին պացիենտը կայուն վիճակում է:
Լրագրողների հետ զրույցում նա դժգոհել է , որ երեխայի ծնունդից հետո կինը դադարել է իր վրա ուշադրություն դարձնել: Կինը ոստիկանությանը պատմել է, որ ամուսինը նետվել է պատուհանից, երբ նրանք խմում էին եւ քննարկում նրա վարքը: Նա նաեւ նշել է, որ վերջին ժամանակում տղամարդն իսկապես խանդել է որդուն եւ անընդհատ ուշադրություն պահանջել:
Համացանցի օգտատերերը աջակցել են մորը՝ դատապարևտելով չինացու արարքը: