Ինդոնեզիայում գեր ոստիկաններին ուղարկել են Մոջոկերտո քաղաքում գտնվող հատուկ ճամբար, որտեղ նիհարելու համար տասնօրյա ծրագիր կանցնեն, հաղորդում է «Լենտա»-ն՝ հղում անելով The Jakarta Post-ին:
Ոստիկանության ներկայացուցչի խոսքով՝ հուլիսի 15-26-ը ֆիթնես ծրագրի են մեկնել 50 աշխատակիցներ, որոնք տառապում են ճարպակալությունից:
Ճամբարում պրոֆեսիոնալ սննդաբաններ են աշխատում, ֆիթնես մարզիչներ եւ բուժաշխատողներ:
Ոստիկաններին ճարպն այրելու հատուկ վարժություններ են սպասվում, այդ թվում՝ վազք, լող եւ աէրոբիկա: Բացի այդ, նրանց հոգեբանական աջակցություն կտրամադրվի:
«Դրա շնորհիվ ոստիկանությունն առավել հմուտ եւ արագ կդառնա»,- ասել է ոստիկանության ներկայացուցիչը: