SpaceX ընկերության գործադիր տնօրեն Իլոն Մասկը հայտարարել է, որ Starship տիեզերանավի նախատիպերը օդ կբարձրանան 2-3 ամիս անց, հաղորդում է HighTech+-ը:
Մասկի խոսքով՝ SpaceX-ը զուգահեռաբար մշակում է 2 նախատիպեր Տեխասում եւ Ֆլորիդայում: Թիմերն աշխատում են անկախ միմյանցից: Ղեկավարությունը կարծում է, որ այդպիսով նրանց միջեւ մրցակցությունը կխթանի տեխնոլոգիական գործընթացը:
Առաջին փորձարկումներից հետո եւս 2-3 ամիս անց տեղի կունենան Starship տիեզերանավի նախատիպերի սուբուղեծրային թռիչքները:
TechCrunch-ը ենթադրում է, որ Մասկի նշած ժամկետները կարող են լավատեսական գնահատական լինել:
Այս շաբաթ SpaceX-ը մտադիր է կրկնել Starhopper-ի արձակման փորձը: Նախորդը, Մասկի խոսքով, անհաջող է արձակվել վառելիքի արտահոսքի պատճառով: