Իրանը ներկայիս պայմաններում միջուկային պարտավորությունների կրճատման համար 3-րդ քայլը կձեռնարկի եւ միայն Իսլամական Հանրապետությունը իրավունք ունի որոշել միջուկային գործարքով իր պարտավորությունները կատարել կամ հրաժարվել դրանցից, ասել է Իրանի ԱԳ նախարար Մոհամադ Ջավադ Զարիֆը, հաղորդում է ԻՌՆԱ-ն:
«Միջակային գործարքի համատեղ հանձնաժողովի բոլոր անդամները եկել են ընդհանուր կարծիքի, որ ԱՄՆ-ն առաջացրել է առկա լարվածությունը եւ Իրանի պահանջներն ի սկզբանե հստակ էին՝ առանց որեւէ լրացուցիչ սպասումների, բացի մյուս կողմերի միջուկային պարտավորությունների կատարումից», - ընդգծել է նա:
«Մենք ի սկզբանե հայտարարել ենք, որ եթե մնացած կողմերը չկատարեն իրենց պարտավորությունները, հակառակ դեպքում մենք էլ լիրարժեք չենք կատարի մեր պարտավորությունները եւ իհարկե մեր բոլոր գործողությունները կլինեն միջուկային գործարքի շրջանակում», - հավելել է նա:
Նրա խոսքով Իրանը 3-րդ քայլը կձեռնարկի ներկայիս պայմաններում միջուկային պարտավորությունների կրճատման համար եւ միայն Իսլամական Հանրապետությունը իրավունք ունի որոշել միջուկային գործարքով իր պարտավորությունները կատարել կամ հրաժարվել դրանցից:
Զարիֆը վկայակոչելով միջուկային գործարքի «հնգյակի» որոշ անդամ երկրների՝ պարտավորությունների կրճատման կոչին, ասել է, որ Իսլամական Հանրապետությունը պետք է ընդունի որոշում եւ եթե մնացած անդամները չկատարեն իրենց պարտավորությունները, այդ քայլը կձեռնարկվի նախորդ միջոցների հետ: