Ղրղզստանի նախկին նախագահ Ալմազբեկ Աթամբաեւը ձերբակալվել է, հաղորդում է «Ինտերֆաքսը»:
Հինգշաբթի ուժայինները Կոյ-Տաշ գյուղում նրա նստավայրը գրոհելու եւս մեկ փորձ են ձեռնարկել: Հաղորդվում է, որ հատուկ նշանակության ջոկատի մեքենան սկսել է հարվածել դարպասներին, իսկ նստավայրի մոտ հրաձգություն է լսվել:
Ականատեսները հաղորդել են, որ դեպքի վայր է ժամանել ՆԳՆ հատուկ տեխնիկա, ջրցաններ: Աթամբաեւի կողմնակիցներին սկսել են դուրս հանել առանձնատան տարածքից:
Ավելի վաղ հաղորդվել էր Աթամբաեւի ձերբակալության մասին, սակայն այս տեղեկատվությունը հերքվել էր: