Վարչապետ Նիկոլ Փաշինյանն էլ է հասկացել, որ գուցե Երեւանի քաղաքապետ Հայկ Մարությանը խաբում է։ Այս մասին այսօր՝ օգոստոսի 13-ին, իր ֆեսյբուքյան էջում գրառում է արել Դավթաշեն վարչական շրջանի նախկին ղեկավար Ռուսլան Բաղդասարյանը։
Գրառման մեջ, մասնավորապես, ասվում է.
«Հավատացնում եմ բոլորին՝ Հայկ Մարությանը պրոֆեսիոնալ դերասան է ,եւ վարչապետի հետ ուղիղ եթերի ժամանակ մի բան նկատեցի. քաղաքապետը երկար-բարակ պատմում էր "Սանիթեք"-ի հետ ունեցած բանակցությունների մասին վարչապետը հարցրեց արդյոք գրավոր հիմքեր կան այդ ամենին ու ստացավ բացասական պատասխան։ Վարչապետն էլ է հասկացել, որ կարող է քաղաքապետը խաբում է։ Իսկ ներքեւի նկարներում իդեալական Դավթաշենը հենց հիմա))»։