Երեւանի ավագանու նախկին անդամ Սոնա Աղեկյանը «Իմ աղբը» թեմայով ասուլիս է հրավիրել Երեւանի քաղաքապետարանի դիմաց։
Նրա խոսքով՝ ասուլիսը հրավիրվել է «Իմ աղբը» թեմայով իրենց ակցիաների արդյունքում գրանցված հաջողությունները ամփոփելու համար։ Որպես հաջողության օրինակ Սոնա Աղեկյանը նշեց ՀՀ վարչապետ Նիկոլ Փաշինյանի եւ Երեւանի քաղաքապետ Հայկ Մարությանի նոր ֆորմատով աշխատանքային հանդիպումը երեկ. «Սա պետք է վաղուց արած լինեին։ Վաղուց պետք է հասկանային քաղաքում հիմնախնդիրները, վաղուց պետք է այս ֆորմատով քննարկեին եւ խնդիրներին լուծումներ տային, բայց քանի որ անգործություն էին դրսեւորել, մենք նրանց ստիպեցինք կատարել իրենց պարտականությունները»։