Նովոսիբիրսկի մարզում ՃՏՊ հետեւանքով ՀՀ քաղաքացի է մահացել, եւս 8-ը վիրավորվել են:
Նովոսիբիրսկի մարզի ՆԳՆ գլխավոր վարչության մամուլի ծառայության տվյալներով՝ վթարը տեղի է ունեցել կիրակի երեկոյան. մասնավոր միկրոավտոբուսը ուղուորություն էր կատարում Նովոսիբիրսկ -Կոչկի -Պավլոդար երթուղով:
Նովոսիբիրսկի մարզի Կարասուկսկի շրջանի ավտոճանապարհի 374-րդ կմ-ում վարորդը կորցրել է կառավարումը եւ ընկել խրամառվի մեջ: Վթարի արդյունքում տուժել է 9 մարդ: Մի կին ավելի ուշ մահացել է շտապօգնության մեքենայում:
ՏԱՍՍ-ը, վկայակոչելով տարածաշրջանային առողջապահության նախարարությանը, հաղորդում է, որ երեք տուժածները վերակենդանմացման բաժանմունքում են, բժիշկները նրանց վիճակը գնահատում են որպես կայուն ծանր:
Եվս հինգը տարբեր վնասվածքներով գտնվում են շրջանային հիվանդանոցի վիրաբուժական բաժանմունքում: Նրանց կյանքին վտանգ չի սպառնում: Ըստ ճշտված տվյալների՝ ՃՏՊ հետեւանքով տուժել է 8 մարդ, մի կին՝ ՀՀ քաղաքացի, մահացել է:
Ըստ շրջանի միացյալ հերթապահական-դիսպետչերական ծառայության՝ տուժողների թվում կան Ղրղզստանի եւ Ուզբեկստանի քաղաքացիներ:
Ոստիկանները փաստի առթիվ նախաքննական ստուգում են սկսել, պարզվում են ճանապարհային վթարի հանգամանքներն ու պատճառները: Քննարկվում է քրեական գործ հարուցելու հարցը: Ստուգման շրջանակում նշանակվել է ավտոտեխնիկական փորձաքննություն, որը թույլ կտա պարզել վթարի պատճառները: