ԱՄՆ-ին հաջողվել է համաշխարհային շուկայից 2,7 մլն բարել իրանական նավթ դուրս բերել: Այս մասին MSNBC-ին տված հարցազրույցում ասել է ԱՄՆ պետքարտուղար Մայք Պոմպեոն:
Նրա խոսքով՝ ԱՄՆ կառավարությունը վստահ է, որ կկարողանա շարունակել իր ռազմավարությունը:
«Մեզ հաջողվել է համաշխարհային շուկայից 2,7 մլն բարել իրանական նավթ դուրս բերել՝ Իրանին զրկելով ողջ աշխարհում ահաբեկչական արշավի անցկացման համար հարստությունից: Վստահ եմ, որ մեզ կհաջողվի դա շարունակել նաեւ հետագայում»,- ասել է նա:
ԱՄՆ-ը թարմացրել էր Իրանի դեմ պատժամիջոցները միջուկային համաձայնագրից միակողմանի դուրս գալուց հետո: Մայիսին Վաշինգտոնը դադարեցրել էր իրանական նավթի ներմուծողների համար պատժամիջոցներից ազատվելու գործողությունը՝ ձգտելով զրոյացնել Թեհրանի կողմից նավթի արտահանումը: