Խորվաթիայի ԱԳՆ-ն Գերմանիայից հետ է կանչել բարձրաստիճան դիվանագետին Facebook-ում ռասիստական գրառման պատճառով, հաղորդում է AP-ը:
Խորվաթիայի արտաքին գործերի նախարար Գորդան Գրլիկը հայտարարել է, որ Էլիզաբեթ Մաջարեւիչը հետ է կանչվել Գերմանիայից եւ կարգապահական պատասխանատվության կենթարկվի: Խորվաթական ԶԼՄ-ների հաղորդմամբ՝ նա գրել է, թե Խորվաթիան «սպիտակ էր», ինչպես ժամանակին Եվրոպան:
Ավելի ուշ մեկնաբանությունները ջնջվել են: Մաջարեւիչը հայտարարել է, որ իր հաշիվը կոտրել են:
«Խորվաթիան կիսում է եվրոպական արժեքները, իսկ ռասիզմը, քսենոֆոբիայի ցանկացած դրսեւորումն ու անհանդուրժողականությունը չեն վերաբերում արտքին գործերի ծառայությանը»,- հայտարարել է Գրլիկը:
Խորվաթիայի բարձրաստիճան անձինք եւս քննադատել են Մաջարեւիչին: