Չորեքշաբթի դանիացիները ցնցում եւ տարակուսանք են հայտնել այն կապակցությամբ, որ ԱՄՆ նախագահ Դոնալդ Թրամփը չեղյալ է հայտարարել իր պետական այցը Դանիա այն բանից հետո, երբ վարչապետ Մետտե Ֆրեդերիկսենը կանխել էր նրա հետաքրքրությունը Գրենլանդիա գնելու կապակցությամբ, հայտնում է Reuters-ը:
Դանիայի քաղաքական գործիչների շրջանում Թրամփի առաջարկը սկզբում թերահավատություն եւ ծիծաղ էր առաջացրել, իսկ նախկին վարչապետ Լարս Լյոկկե Ռասմուսենն ասել էր.
«Սա, հավանաբար, ապրիլմեկյան կատակ է»:
Սակայն լուրն այն մասին, որ Թրամփը չեղարկել է սեպտեմբերի 2-3-ին երկիր այցն այն բանից հետո, երբ Ֆրեդերիկսենը ԱՄՆ կողմից Գրենլանդիան գնելու գաղափարն անհեթեթ է անվանել, ցնցել է դանիացիներին:
«Բոլորը պետք է իմանան, որ Գրենլանդիան չի վաճառվում», - ասել է ԱԳ նախկին նախարար Քրիստիան Յենսոնը:
Կիրակի Թրամփը հայտարարել էր, որ Գրենլանդիայի գնումը «անշարժ գույքի մեծ գործարք կլիներ», չնայած դա առաջնային խնդիր չէ:
«Դանիան շատ յուրահատուկ երկիր է ՝ անհավանական մարդկանցով, բայց հիմնվելով վարչապետ Մետտե Ֆրեդերիկսենի մեկնաբանությունների վրա, որ նա չի հետաքրքրվի Գրենլանդիայի գնման հարցի քննարկմամբ, ես կհետաձգեմ մեր հանդիպումը, որը նախատեսված է երկու շաբաթից, մեկ այլ ժամանակ»,- թվիթերում գրել է Թրամփը: