Ճապոնական Mori Building ընկերությունը մտադիր է Տոկիոյում 2023թ. կառուցել երկրի ամենաբարձր՝ 330 մ բարձրությամբ երկնաքերը, հաղորդում է «Ինտերֆաքս»-ը:
Այժմ Ճապոնիայում ամենաբարձրը համարվում է Օսակայի 300 մետրանոց երկնաքերը:
Ապակուց եւ պողպատից երկնաքերում կլինեն բնակելի եւ գրասենյակային տարածքներ: Այն կտեղակայվի Տոկիոյի կենտրոնական շրջանում, շենքում կլինեն նաեւ հյուրանոց եւ միջազգային դպրոց:
Ընդ որում, ամենաբարձր երկնաքերի կոչումը կարճ ժամանակ անց կփոխանցվի մեկ այլ շինության. 2027թ. Mitsubishi Estate ընկերությունը մտադիր է Տոկիոյի կայարանից ոչ հեռու 390 մ բարձրությամբ շենք կառուցել: