Վայոց Ձորի Ջերմուկ քաղաքում ՀՀ վարչապետ Նիկոլ Փաշինյանի և քաղաքացիների հետ հանդիպումը ավարտվեց, սակայն վարչապետը չցանկացավ պատասխանել լրագրողների հարցերին:
Նշենք, որ Ջերմուկում վարչապետը հրապարակային ելույթից հետո առանձին զրույց է ունեցել մի քանի քաղաքացու հետ: Հանդիպումից հետո վարչապետի հետ հանդիպած քաղաքացիները ևս լռեցին: Նրանք հիմնականում այն ջերմուկցիներն են, որոնք փակ են պահում Ամուլսարի հանք տանող ճանապարհը:
Ավելի ուշ, արդեն Գնդեւազում, նրանք հայտարարեցին, որ Փաշինյանի հետ քննարկել են նույն հարցերը, ինչ մինչ այդ քննարկվել են: Նրանք նշեցին, որ տպավորություն ունեն, որ վարչապետը օրինական հիմքեր է ուզում ունենալ հանքի շահագործումը թույլ չտալու համար, սակայն այս պահին այդպիսի փաստեր չկան:
Վարչապետ Փաշինյանը Ջերմուկից մեկնեց Սարավան: