Օգոստոսի 21-ի ցերեկը, Երեւանի սուպերմարկետներից մեկի մոտ գողացել էին մի քաղաքացու բջջային հեռախոսը:
Ոստիկանությունից NEWS.am-ին հայտնում են, որ ոստիկանության Կենտրոնական բաժնի ծառայողների ձեռնարկած միջոցառումների շնորհիվ պարզվել է, որ գողությունը կատարել է Ներքին Չարբախի 35-ամյա մի բնակիչ:
Նա ոստիկանների բացատրական աշխատանքի շնորհիվ, օգոստոսի 23-ին ներկայացել է բաժին, տվել խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ: