Նորապսակները զոհվել են ողբերգական ճանապարհատրանսպորտային պատահարից ամուսնությունը գրանցելուց մի քանի րոպե հետո, տեղեկացնում է Fox News-ը։

Հազիվ էին հասցրել 19-ամյա Հառլի Ջո Մորգանը եւ 20-ամյա Ռիանոն Բուդրո Մորգանը դուրս գալ դատարանի դահլիճից, որտեղ գրանցել էին իրենց միությունը, եւ նստել իրենց Chevrolet-ն, երբ նրանց է հարվածել տրակտոր տեղափոխող Ford F-250 պիկապը։

Զույգը, որը սիրահարված էր դեռեւս դպրոցական տարիներից, ողբերգականորեն զոհվել է հենց պատահարի տեղում։ Ահավոր միջադեպի ականատեսներն են դարձել փեսացուի քույրն ու մայրը, որոնք ընթանում էին նրանց մեքենայի հետեւից։