Ամերիկացի կոնգրեսականները Արցախի նախագահին շնորհավորել են հանրապետության Անկախության օրվա առիթով: Իր թվիթերյան էջում շնորհավորական նամակը հրապարակել է կոնգրեսական Ֆրենկ Փալոնեն:

Նամակը ստորագրած կոնգրեսականների թվում են Ադամ Շիֆը, Ջեքի Շփիրը, Պիտեր Թ.Քինգը եւ Գուս Բիլիրաքիսը:

«Արցախը տարածաշրջանում ժողովրդավարության եւ ազատության օրինակ է, եւ մենք նախկինի պես հույս ունենք, որ ձեռք կբերվի հաստատուն խաղաղություն, որը Արցախը հայկական կպահպանի»,- նշել է Փալոնեն:

Նամակում նշվում է, որ Արցախն, անվիճելիորեն, վաստակել է ԵԱՀԿ ՄԽ բանակցային գործընթացին մասնակցելու իրավունքը՝ լինելով տարածաշրջանում ժողովրդավարության եւ ազատության օրինակ: «Մենք հուսով ենք, որ Ձեր երկիրը մոտ ապագայում կներգրավվի այդ բանակցություններին... Մենք շարունակում ենք հավատարիմ մնալ Արցախի տնտեսության եւ ժողովրդավարության զարգացմանը եւ կշարունակենք նրա պաշտոնական ճանաչման կոչ անել»,- նշված է նամակում:

Led a letter with my fellow Co-Chairs on the Armenian Caucus congratulating the Republic of Artsakh on their Independence Day! Artsakh is an exemplar of democracy and freedom in the region, and we remain hopeful that an enduring peace can be reached that keeps Artsakh Armenian. pic.twitter.com/I5djxse29R

— Rep. Frank Pallone (@FrankPallone) September 2, 2019