Քննչական կոմիտեի նախագահի տեղակալ Սամվել Ավետիսյանը ազատման դիմում է գրել: Տեղեկությունը NEWS.am-ի հետ զրույցում հաստատեց ՀՀ վարչապետի մամուլի խոսնակ Վլադիմիր Կարապետյանը։
Վարչապետի մամուլի խոսնակի փոխանցմամբ՝ վարչապետը դիմումը ստորագրել է։
Ավելի վաղ NEWS.am-ը հայտնել էր, որ Քննչական կոմիտեի նախագահի տեղակալ Սամվել Ավետիսյանից բացի պաշտոնից ազատվելու դիմում է գրել նաեւ Ամուլսարի գործով քննչական խմբի ղեկավար Յուրա Իվանյանը։ Սակայն մեկ օրում որոշումը փոխվել է, այսօր արդեն ՔԿ-ից հայտնել են, որ Յուրա Իվանյանը աշխատանքից ազատման դիմում չի գրել, իրականացվում է ծառայողական քննություն, որի արդյունքում կկայացվի համապատասխան որոշում: