Հայաստանը շարունակում է ամենօրյա միջոցառումներ անցկացնել՝ կապված Ադրբեջանում գտնվող իր քաղաքացի Արայիկ Ղազարյանին վերադարձնելու հետ: Սեպտեմբերի 11-ին ԱԺ նիստում այս մասին ասաց Հայաստանի ԱԳ փոխնախարար Արտակ Ապիտոնյանը:
Նրա խոսքով՝ այս հարցով բանակցային գործընթացը շարունակվում է ինչպես ԵԱՀԿ Մինսկի խմբի համանախագահների ձեւաչափով, այնպես էլ Կարմիր խաչի միջազգային կոմիտեի, որի պատվիրակությունները գործում են Երեւանում եւ Բաքվում:
«Աշխատանքները մեր ուշադրության կենտրոնում են: Ամեն ինչ ձեռնարկվում է նրան արագ հայրենիք վերադարձնելու համար»,- շեշտեց Ապիտոնյանը:
Հիշեցնենք, որ զինծառայող Արայիկ Ղազարյանը չպարզված հանգամանքներում հայտնվել է ադրբեջանական կողմում: