ԱՄՆ նախագահ Դոնալդ Թրամփի ազգային անվտանգության հարցերով նախկին խորհրդական Ջոն Բոլթոնի 3 գլխավոր օգնականներ հրաժարական են տվել այն բանից հետո, երբ Թրամփն աշխատանքից ազատել է Բոլթոնին, հաղորդում է Reuters-ը:

Հրաժարական են տվել Բոլթոնի գլխավոր ներկայացուցիչ Հարեթ Մարկիզը, հասարակայնության հետ կապերի գծով տնօրեն Սառա Թինսլին եւ նախագծող Քրիսթինա Սամուելյանը:

«Ինձ համար պատիվ էր ծառայել մեր երկրին, եւ ես հաջողություններ եմ մաղթում նախագահին եւ վարչակազմին»,- իր կարճ հայտարարության մեջ նշել է Մարկիզը:

Նրանք երկար տարիներ աշխատում էին Բոլթոնի հետ: