2016-ին ապրիլյան պատերազմը շուտ ավարտվեց, որովհետեւ Ադրբեջանը չուներ այդ ֆինանսական ռեսուրսները, այդ տնտեսական հիմքը երկարաժամկետ պատերազմի գնալու համար: Այս մասին, ասյօր՝ սեպտեմբերի 12-ին, Սլավոնական համալսարանում ուսանողների եւ դասախոսների հետ հանդիպման ժամանակ նշեց Արցախի նախկին վարչապետ Արայիկ Հարությունյանը՝ հավելելով, որ այդ հարցում այլ դիրքորոշումների հետ համաձայն չէ:
«Երբ Ադրբեջանն ունենա առավելություն, ունենա հնարավորություն զենքի ուժով խնդիրը լուծելու, գնալու են դրան: Պատասխանը մեկն է. պետք է ապահովել տնտեսական աճ, մեծացնել բյուջեն, դրա արդյունքում ամրապնդել բանակն ու սպառազինությունը»,-ասաց Հարությունյանը:
Նա ընդգծեց, որ մեկ շնչին ընկնող ՀՆԱ-ի ցուցանիշով Արցախն առաջ է անցել Հայաստանից, քանի որ իրենց հաջողվել է վերջին 12 տարիներին ապահովել տարեկան 10 եւ ավելի տոկոս տնտեսական աճ. «Այդ ցուցանիշով մոտեցել ենք Ադրբեջանին. «Արցախի բյուջեն մեկ շնչի հաշվով 1500 դոլար է, Ադրբեջանինը՝ 1400 դոլար»: