Հայաստանի ԱԳ նախարար Զոհրաբ Մնացականյանը կայցելի Լիտվա, Լատվիա եւ ԱՄՆ: Սեպտեմբերի 13-ին ճեպազրույցի ժամանակ այս մասին ասաց ԱԳՆ մամուլի քարտուղար Աննա Նաղդալյանը:

Նրա խոսքով՝ Վիլնյուս այցը նախատեսված է սեպտեմբերի 16-17-ին: Այնուհետեւ տեղի կունենա այց Ռիգա: Երկու երկրներում նախատեսված են հանդիպումներ վարչապետների, ԱԳՆ-ների եւ խորհրդարանների ղեկավարների հետ:

Սեպտեմբերի վերջին նախատեսված է այց ԱՄՆ եւ ՄԱԿ ԳՎ աշխատանքին մասնակցություն: «Հագեցած օրակարգ է: Սպասվում են երկկողմ եւ բազմակողմ հանդիպումներ»,- նշեց Աննա Նաղդալյանը: