«Իմ քայլը» դաշինքում տարբեր հարցերի շուրջ առողջ քննարկումներ են ընթանում, որոնք թույլ են տալիս լավագույն արդյունքի հասնել: Այս մասին այսօր՝ սեպտեմբերի 17-ին, ԱԺ ավանդական ճեպազրույցի ժամանակ հայտարարեց «Իմ քայլը» դաշինքի պատգամավոր Գեւորգ Պապոյանը:
Ընդ որում, նրա խոսքով, դաշինքը լիովին աջակցում է վարչապետին:
«Ուրախ եմ, որ Ամուլսարի հարցով բացարձակ տարբեր կարծիքներ ունենք, քանի որ դա թույլ է տալիս վեր հանել բոլոր առկա խնդիրները»,- նշեց պատգամավորը:
Նշենք, որ Ամուլսարի հանքի շահագործման խնդիրը արդեն մեկ ամիս է՝ մնում է հանրության շրջանում ամենաքննարկվող թեմաներից մեկը: Երկրի իշխանությունները չեն թաքցնում ծրագրին «կանաչ լույս տալու» իրենց մտադրությունը: Սակայն դրան դեմ են Ջերմուկի եւ հարակից մի շարք այլ բնակավայրերի բնակիչները: