Սաուդյան Արաբիայի իշխանությունները որոշում են ընդունել միանալ Պարսից ծոցի շրջանում ծովային նավագնացության անվտանգության ապահովման միջազգային կոալիցիային: Այս մասին հայտնում է սաուդյան SPA գործակալությունը՝ վկայակոչելով թագավորության պաշտպանական գերատեսչությունում աղբյուրին:
Նշվում է, որ դաշինքի անդամները պարտավորվում են երաշխավորել նավերի ազատ եւ անվտանգ անցումը Հորմուզի, Բաբ էլ Մանդեբի եւ Օմանի նեղուցներով, ինչպես նաեւ Պարսից ծոցում:
Associated Press գործակալության տեղեկություններով՝ խոսքը ԱՄՆ-ի ստեղծած կոալիցիայի մասին է: Այս պահին դրան են միացել Ավստրալիան, Բահրեյնը եւ Մեծ Բրիտանիան:
«Այս միջազգային կոալիցիային թագավորության միանալը կապված է Սաուդյան Արաբիայի աջակցությամբ տարածաշրջանային եւ միջազգային ջանքերին՝ ուղղված ծովային նավագնացության սպառնալիքների կանխմանը եւ հակազդմանը, միջազգային առեւտրի պաշտպանությանը եւ միջազգային էներգետիկ ցանցի անվտանգության ապահովմանը, ինչպես նաեւ ամբողջ աշխարհում կայունության պահպանմանը: