Իշխանության թեւերի տարանջատում չի նշանակում, որ իշխանության ճյուղերը որեւէ փոխզսպման եւ հակակշռման մեխանիզմներ չպետք է ունենան: Այս մասին այսօր՝ սեպտեմբերի 20-ին, ԱԺ-ում լրագրողների հետ զրույցում նշեց ԱԺ պետաիրավական հանձնաողովի նախագահ Վլադիմիր Վարդանյանը՝ անդրադառնալով դիտարկմանը, որ ՍԴ նախագահի լիազորությունները դադարեցնելու գործընթաց սկսելով ԱԺ-ն խախտում է իշխանության թեւերի տարանջատման սկզբունքը:

«Իշխանությունը ճյուղերը պետք է հավասարակշռեն իրար: Դրա համար նախատեսված են եւ համապատասխան գործիքներ եւ համապատասխան երաշխիքներ: Օրինակ կառավարության համար կա ԱԺ-ից պաշտպանվելու երաշխիք, որ ԱԺ-ն մեկ տարվա ընթացքում չի կարող անվստահություն հայտնել վարչապետին: Դատարանի համար ստեղծված է երաշխիք, որ ինքը պետք է որոշի՝ իր անդամի լիազորությունը դադարեցնում է, թե ոչ»,-ասաց նա: