ՀՀ երկրորդ նախագահ Ռոբերտ Քոչարյանի աջակիցները երթով հասան Ազգային անվտանգության ծառայության շենք։
«Ռոբերտ Քոչարյանը շուտով լինելու է ազատության մեջ։ Եկել ենք ողջունենք մեր նախագահ Ռոբերտ Քոչարյանին»,–նշեց աջակիցներից մեկը։
«Մենք այստեղ չենք եկել, որ աջակցենք Քոչարյանին, Էդ Քոչարյանն է մեզ աջակցում, էդ կալանավորված Քոչարյանն է աջակցում մեր պետությանը, Քոչարյանն ինքը նշեց, որ եթե նույնիսկ մի խումբ բախտախնդիրներ փորձում են մեղադրյալի աթոռին նստեցնել պետականակերտ գեներալներին, ազգի հերոսներին, ապա չի հաջողվելու, նա ազատազրկման մեջ ավելի հզոր է, քան Նիկոլը վարչապետի աթոռին նստած»,– նշեց Քոչարյանի աջակիցներից Վահե Եփրիկյանը։
Հիշեցնենք, որ Երեւան քաղաքի ընդհանուր իրավասության դատարանը (Շենգավիթ նստավայր) դատավոր Աննա Դանիբեկյանի նախագահությամբ որոշեց մերժել ՀՀ երկրորդ նախագահ Ռոբերտ Քոչարյանի խափանման միջոց կալանքը գրավով փոխելու՝ պաշտպանների միջնորդությունը։ ՀՀ երկրորդ նախագահը կշարունակի մնալ կալանքի տակ։ Դրանից հետո Քոչարյանի աջակիցները երթով գնացին դեպի ԱԱԾ, որտեղ «Երևան–կենտրոն» ՔԿՀ մեկուսարանում պահվում է Ռոբերտ Քոչարյանը։