Իրանն առաջարկում է Պարսից ծոցում անվտանգության հարցով Իրաքի, Սաուդյան Արաբիայի, Բահրեյնի, Արաբական Միացյալ Էմիրությունների, Կատարի, Օմանի եւ Քուվեյթի մասնակցությամբ կոալիցի ստեղծել: Այս մասին հայտարարել է Իրանի արտգործնախարար Մոհամմադ Ջավադ Զարիֆը, հաղորդում է ՏԱՍՍ-ը:
«Սկզբնապես այդ կոալիցիայում պետք է ներառվեն Իրանը, Իրաքը, Սաուդյան Արաբիան, Բահրեյնը, Արաբական Միացյալ Էմիրությունները, Կատարը, Օմանն ու Քուվեյթը: Մենք դեմ չենք, որ կոալիցիայում լինի նաեւ Եմենը, սակայն այժմ պարզ չէ՝ ինչ է այնտեղ կատարվում»,- ասել է նա:
Զարիֆի խոսքով՝ Իրանի նախագահ Հասան Ռոհանիի հայտարարությունից հետո ինքը պատրաստ կլինի հետաքրքրվող կողմերին բացատրել առաջարկի մանրամասները:
«Ենթադրվում է, որ նրանք կհամագործակցեն ՄԱԿ-ի հովանու ներքո»,- հավելել է իրանցի նախարարը: