Հայաստանի պաշտպանության նախարարությունում հերքել են «դիվերսիայի» մասին ադրբեջանական կողմի տեղեկությունը։
Մեկնաբանելով ադրբեջանական ԶԼՄ-ների տարածած՝ Ադրբեջանի սահմանապահ ծառայության տեղեկությունը՝ Հայաստանի պաշտպանության նախարարի մամուլի քարտուղար Արծրուն Հովհաննիսյանը դա ապատեղեկատվություն է անվանել։
«Տեղեկությունում հիշատակումը, թե «Ադրբեջանի սահմանապահ մարտական դիրքերը բազմիցս գնդակոծվել են Հայաստանի ԶՈւ ստորաբաժանումների կողմից, մեծ տրամաչափի զենքից, այս «տեղեկության» անհեթեթության հավելյալ ապացույցն են»,- նկատել է Հովհաննիսյանը։