Աշխատանքային այցով Գերմանիայում գտնվող ՀՀ կրթության, գիտության, մշակույթի և սպորտի նախարար Արայիկ Հարությունյանը ֆեյսբուքյան իր էջում գրառում է կատարել և կից տեսանյութ հրապարակել:
«Երբ մեծերը ներկայացնում են մեծերին, Բեռլին 08/10/2019
Երեկ երեկոյան Հումբոլտի համալսարանում տեղի ունեցած կոնֆերանսից հետո, որը նվիրված էր Կոմիտաս վարդապետի 150-ամյակին, Բեռլինի պետական գրադարանում տեղի ունեցավ համերգ: Համերգին մասնակցում էին մեր մի շարք հայտնի երաժիշտներ, այդ թվում` Սերգեյ Խաչատրյանը, ով համարվում է մեր օրերի աշխարհի վարպետ ջութակահարներից մեկը: Տեսանյութը դրա լավագույն ապացույցն է»,-գրել է նա: