ԱՄՆ նախկին փոխնախագահ Ջո Բայդենն իր նախընտրական ելույթում հայտարարել է, որ կսատարի նախագահ Դոնալդ Թրամփի ինփիչմենթի հարցով հետաքննությանը։
«Դոնալդ Թրամփը խախտել է երդումը, դավաճանել մեր ազգին,- ասել է Բայդենը Նյու Հեմփշիրում,- Նա պետք է պատասխանատվության ենթարկվի»։ Նա հավելել է, թե Թրամփը «անցքեր է բացում սահմանադրության մեջ, եւ մենք չենք կարող թույլ տալ, որ նա անպատիժ մնա»։
«Թրամփը ոչ միայն ստուգում, այլեւ ծաղրում է մեզ։ Նա պարկեշտություն չունի․․․ Մենք պետք է ապացուցենք, որ նա ճիշտ չէ։ Մենք պետք է ապացուցենք, որ համախմբված ենք ազգի համար հատկապես վտանգավոր այս պահին»,- ասել է նա։