Կարիբյան ջրավազանում Լիթլ-Փայփ-Քեյ կղզին, որտեղ նկարահանվել են 007 գործակալի եւ Կարիբյան ծովի ծովահենների մասին ֆիլմերը, հանվել է վաճառքի 69 մլն ֆունտ ստերլինգով, գրում է Mirror-ը:

Լիթլ-Փայփ-Քեյը համարվում է Կարիբյան ծովի իսկական գանձը. այն զարմացնում է իր ոսկե լողափերով ու արմավենիներով:

Վերջին 15 տարվա ընթացքում կղզու սեփականատերերը բարեկարգել են այն, եւ այժմ դրա տարածքի 38 ակրերում տեղակայված է ամբողջովին կահավորված հինգ տուն, կան նաեւ զբոսանավերը կառանելու համար նախատեսված տեղեր:

Կղզում նաեւ կա նավերի համար սրահ եւ ջրային սպորտի սարքավորումներ: