Աբխազիայի նախագահ Ռաուլ Խաջիմբան երկուշաբթի Վալերի Բգանբային նշանակել է հանրապետության վարչապետ։ Բգանբան գլխավորել է հանրապետության նախկին կառավարությունը, տեղեկացնում է ՏԱՍՍ-ը։
«Աբխազիայի Հանրապետության վարչապետ նշանակել Վալերի Ռամշուխովիչ Բգանբային։ Վարչապետին օրենքով սահմանված կարգով տրամադրել Աբխազիայի Հանրապետության կառավարության անձնակազմի եւ կառուցվածքի վերաբերյալ առաջարկություններ»,- նշվում է նախագահի հրամանագրում։
Բգանբան կառավարությունը գլխավորել է 2018 թվականի սեպտեմբերից մինչեւ 2019 թվականի հոկտեմբեր, լիազորությունները վայր դրել ամբողջ կառավարության հետ միասին՝ «Աբխազիայի Հանրապետության նախագահի մասին» օրենքին համապատասխան։
Վալերի Բգանբան ծնվել է 1953 թվականին, Աբխազիայի խորհրդարանի երեք գումարումների պատգամավոր է եղել, 2012-2017 թվականներին եղել է խորհրդարանի նախագահը։ 2014 թվականի մայիս-սեպտեմբերին կատարել է նախագահի պարտականությունները, ավիավթարից կառավարության ղեկավար Գենադի Գագուլիայի զոհվելուց հետո նշանակվել է հանրապետության վարչապետ։