Հոկտեմբերի 18-ին Ուկրաինայի Գերագույն ռադայում ստեղծվել է Հայաստանի հետ միջխորհրդարանական կապերի գծով պատգամավորական խումբ, հաղորդում է AnalitikaUA.net-ը:
Խումբը գլխավորել է «Ժողովրդի ծառա» իշխող կուսակցության Ժողովրդական պատգամավոր Արտյոմ Դմիտրուկը: Ըստ պարբերականի՝ խմբում ընդհանուր առմամբ ներգրավվել է տասներկու ժողովրդական պատգամավոր:
Ուկրաինայի Հայերի միության ղեկավար Վիլեն Շատվորյանը ողջունել է խմբի ստեղծումը՝ նշելով, որ դինամիկ եւ արդյունավետ փոխհարաբարեւոյթւոնները Ուկրաինայի եւ Հայաստանի միջեւ բխում են երկու ժողովուրդների շահերից: Շատվորյանը նշել է, որ մեծ հեռանկարներ է տեսնում Կիեւիեւ Երեւանի քաղաքական հարաբերությունների ամրապնդման հարցում: «Խորհրդարանական դիվանագիտությունը կարեւոր ռեսուրս է արտաքին քաղաքականության որոլտում աշխատանքի համար: Համոզված եմ, որ խորհրդարանական խմբերի գծով համագործակցության ակտիվացումը կարող է կարեւոր իմպուլս հաղորդել երկու երկրների միջեւ գործընկերությունը զարգացնելու համար»,-ասել է Շատվորյանը:
Հայ համայնքի ղեկավարը հավելել է, որ Ուկրաինայի Հայերի միությունը կշարունակի առավելագույն չափով նպաստել Ուկրաինայի եւ Հայաստանի միջեւ հարաբերությունների զարգացմանը: