Սիրիայի նախագահ Բաշար Ասադը մեղադրել է Թուրքիային երկրի հյուսիսային շրջանների հանդեպ ծավալապաշտական մտադրությունների մեջ։ Այս մասին նա ասել է երեքշաբթի, Իդլիբի նահանգում ճակատի տեղամասերից մեկում սիրիական զորքեր այցելության ժամանակ, տեղեկացնում է սիրիական պետական ՍԱՆԱ գործակալությունը։
«Թուրքիայի նախագահը Սիրիայից գողացել է նրա նավթն ու ցորենը, ինչպես նաեւ տարել Հալեպի գործարանները, իսկ հիմա (Թայիփ) Էրդողանը ցանկանում է հափշտակել սիրիական հողերի մի մասը՝ նրա բնական հարստություններով։ Մարտը հանուն Իդլիբի, որտեղ կենտրոնացած են ծայրահեղական խմբավորումների մնացորդները, քաոսի ու ահաբեկչության դեմ պայքարի համար հիմնականն է։ Մենք միշտ ասել եւ ասում ենք, որ պայքարն Իդլիբի համար հիմնականն է քաոսն ու ահաբեկչությունը վերացնելու համար սիրիական ամբողջ տարածքում»,- գործակալությունը մեջբերում է Սիրիայի նախագահի խոսքերը։