Ոստիկանության նկատմամբ վերահսկողություն պետք է ունենա ոչ միայն կառավարությունը, այլ նաեւ խորհրդարանը, եւ այդ վերահսկողությունը պետք է էական լինի: Այս մասին այսօր՝ հոկտեմբերի 22-ին, «Հետհեղափոխական Հայաստան. ոստիկանության բարեփոխումների օրակարգը» թեմայով քննարկման ժամանակ հայտարարեց Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը:
Նա նշեց ոստիկանության աշխատակիցների սոցիալական ապահովության կարեւորությունը: «Սակայն ցածր աշխատավարձը երբեք չպետք է խոշտանգումների համար արդարացում դառնալ»,- նշեց Սաքունցը: Նա հավելեց, որ հեղափոխությունից հետո պետական կառավարման համակարգում խնդիրներով զբաղվելու հնարավորություն է ստեղծվել: