Համաձայն չեմ, որ մեր տնտեսությունն անկողնային հիվանդ է, քանի որ այն բավականին լավ դինամիկա է արձանագրում: Այս մասին հոկտեմբերի 23-ին ԱԺ-ում հայտարարեց ՀՀ վարչապետ Նիկոլ Փաշինյանը:
Նա նշեց, որ կառավարությունը մտադիր չէ բիզնեսի վրա ճնշում գործադրել:
«Չեմ կարծում, որ մենք պետք է տնտեսությունն ու բիզնեսը մշտական լարվածության մեջ պահենք: Վերջին մեկուկես տարում հստակ ցույց ենք տվել, որ պաշտպանում ենք մասնավոր սեփականության անձեռնմխելիության իրավունքը»,- հայտարարեց վարչապետը: