Սաուդյան Արաբիայի թագավոր Սալմանը ընդունել է ԱՄՆ Կենտրոնական հետախուզական վարչության տնօրեն Ջինա Հասփելին, որը ժամանել է Էր Ռիադ, տեղեկացնում է Reuters-ը՝ հղում կատարելով սաուդյան SPA պետական տեղեկատվական գործակալությանը։

Աղբյուրի համաձայն՝ Սալման թագավորը եւ Ջինա Հասփելը քննարկել են փոխադարձ հետաքրքրություն ներկայացնող հարցեր։ Բայց հանդիպման այլ մանրամասներ եւ քննարկումների թեմաներ առայժմ չեն նշվում։

Ավելի վաղ ԱՄՆ արդարադատության նախարարությունը մեղադրել էր Թվիթերի երկու նախկին աշխատակցի հօգուտ Սաուդյան Արաբիայի լրտեսության մեջ։